نقلت
التكليفات من يحيي موسي إلي زوجي لتنفيذها
أنا
مش إخوان ولا عمري كنت منهم ..ولكني تعاطفت معهم بسبب المشاهد التي رأيتها أثناء
فض اعتصام رابعة والتي تأثرت بها..فكانت الصدفة أني تقابلت مع د.يحي موسي المتحدث
باسم وزارة الصحة في عهد الرئيس الأسبق محمد مرسي واستمر التواصل بيننا بعد هروبه
الي تركيا ليصدر تكليفاته التي بدأت أنا وزوجي في تنفيذها بجمع الأموال من
التبرعات والصدقات وإعطائها لشباب الإخوان بجانب اني تلقيت تحويلات بنكية علي
حسابي ..بهذه الكلمات بدأت بسمة رفعت عبد المنعم 32 سنة المتهمة بالكشف عن أسرار
دورها والتكليفات التي قامت بتنفيذها في قضية إغتيال المستشار هشام بركات النائب
العام السابق ..مشيرة الي انها احتفظت بصور للمحادثات بينها وبين يحي موسي الذي
كانت رسائله كلها مخفية عبر برنامج اللاين وان تلك الرسائل بتتمسح تلقائيا بعد
فترة زمنية معينة لاحتوائها علي معلومات مهمة .
كتب محمد الطوخي الصحفي بالجمهورية
قالت
الطبيبة المتهمة بمستشفي أم المصريين في تحقيقات محمد محرم وكيل اول نيابة امن
الدولة العليا بإشراف المستشار تامر فرجاني المحامي العام الاول للنيابة أنها ولدت
في أسرة مكونة من 7 أفراد ووالدها كان مستشارا بوزارة المالية بدرجة وكيل وزارة
ووالدتها مديرة حسابات بوزارة المالية ..مشيرة الي ان والدها كان هدفه الأكبر هو
توفير متطلباتهم حتي يعيشوا في مستوي فوق المتوسط وكان عايز يخلي "عينينا
مليانه" وكان ينفق كل أمواله علي متطلبات حياتنا .
التحقت
بسمة رفعت بالدراسة في التعليم الأزهري من الحضانة حتي الثانوية الأزهرية فكنت
أرتدي الحجاب أثناء التوجه للمعهد وبعد خروجي أخلع الحجاب حتي التحقت بكلية الطب
جامعة الازهر وفي عام 2005 قررت أن ترتدي النقاب لأنها كانت تضع المكياج وترتدي
الملابس والهدوم الضيقة والباديهات واعتقدت انهم هيفرحوا لي لما أرتدي النقاب بس
اللى حصل العكس ولم تهتم بي صديقاتي وبعضهن هاجمني وافتكروا ان انا ارتديت النقاب
كنوع من الموضة لدرجة ان إحدي صديقاتها من التابعات للتيار السلفي قالت لها
"لو ربنا هدي الشيطان مش هيهدي بسمة رفعت".. بينما في عام
2007 تخرجت فأخذت سنة الإمتياز في مستشفيات بورسعيد العامة وبعدها تم تكليفها من
عام 2009 الي عام 2011 فكان جزء منه في بورسعيد وجزء منه في القاهرة في مكتب صحة
حامد ياسين بالطوابق لأنها كانت تزوجت ياسر عرفات لتستلم عملها في مستشفي أم
المصريين بالجيزة وحصلت بعدها علي إجازة مدفوعة الأجر تنتهي في 24 مارس 2016
لتحضير رسالة الماجستير مشيرة الي انها تزوجت من ياسر عرفات بعد انفصاله عن زوجته
الأولي وله منها ثلاثة أطفال وكان سبب انفصالهما قيامها "بتكسير" كلامه
وانها لم تكن ملتزمة او تؤدي الصلاة.
"ياسر عرفات" نقل الجناة بسيارتي إلي موقع الحادث
قالت
المتهمة انها بعد 25 يناير 2011 انها كانت متحمسة جدا وكانت تشارك في الانتخابات
لدرجة انها كانت تسافر الي بورسعيد حيث محل موطنها الأصلي وكانت مؤيدة الشيخ حازم
صلاح ابو اسماعيل لأنه الوحيد اللى كان في برنامجه المرجعية الإسلامية ولكن بعدما
تم استبعاده كنت مترددة ما بين عبد المنعم ابو الفتوح ومحمد مرسي فاختارت ابو
الفتوح في المرحلة الأولي ثم أختارت مرسي في المرحلة الثانية ..ورأت أنه خلال فترة
حكم مرسي لم يكن يحكم مصر كما كانت تتوقع وكان هناك جهات عديدة ضده..بينما كان لدي
مرسي رعونه لأنه بدأ برنامجه بخطة المائة يوم ولكن لو أنه رجل "كويس"
وأحسن رئيس جمهورية فمش هيلحق يعمل فرق الشعب يحس بيه في مائة يوم وعندما خرج
المواطنون في 30 يونيو 2013 بأعداد كبيرة تعبيرا عن غضبهم لكنني كنت أتمني مثلما
جاء مرسي بالانتخابات الديمقراطية انه "يمشي" بالانتخابات والديمقراطية
لكن للأسف بسبب تدخل الجيش في المشهد خلاه يبقي انقلاب عسكري ثم تطورت الاحداث بفض
اعتصام رابعة والنهضة .
أضافت
بسمة رفعت انها توجهت وزوجها مرتين الي اعتصام رابعة العدوية أثناء توجهما الي محل
إقامة أسرة زوجها بمدينة نصر ورأيتهم أناس عاديين وفي حالهم ولم أر هناك أسلحة بل
علي العكس كان يتم تفتيش المترددين علي الاعتصام وعندما حدث فض الاعتصام اعتقدت
انه سيتم فضه بالمياه لكنهم قاموا بفضه بالاسلحة وده كان السبب في عدد القتلي
الكبير بينما لم يعجب الموقف زوجي ياسر عرفات وبعدها فكر في ترك عمله وإعادة
حساباته تاني وفكر يسوي معاشه ويتفرغ لاتمام الدراسات العليا ومشروعه في شركته
الاقصي لتصليح وبيع واستبدال اللاب توب وفي عام 2014 خرج طبي من عمله وحصل علي
مكافأة 180 الف جنيه تقريبا واشتري شقة بالعجمي في الاسكندرية بينما ورث من والده
ووالدته حوالي 400 الف جنيه فقام بتغيير سيارته واشتري عربية جديدة لانسر شارك
بينما اشتري لها عربية رينو لوجو مستعمله وسجلها باسمه في المرور بس أنا ما بتديتش
أسوقها واستعملها الا بعد ولادة أبني يوسف بجانب قيامه بشراء شقة تمليك في المعراج
.
"بداية
السقوط"
كشفت
بسمة رفعت في التحقيقات انها تعرفت علي يحي موسي المتحدث الرسمي لوزارة الصحة في
عهد الرئيس الأسبق محمد مرسي في فبراير 2014 في مؤتمر الروماتيزم والعظام المنعقد
بأحد الفنادق في الاسكندرية وانها حضرت هذا المؤتمر بالصدفة من خلال مندوب شركة
أدوية قال لها ان هناك طبيبا اعتذر عن حضور المؤتمر وعرض عليها حضورها بدلا منه
لمدة 3 أيام وأثناء ذلك تعرفت علي يحي موسي وزوجته هند الشافعي "طبيبة
صيدلانية" وتطورت العلاقة فيما بينهم وبعدها بحوالي اسبوعين تقريبا توجهت الي
كلية طب الازهر بنين بصحبة زوجها ياسر الي المكتب الإداري لشئون الدراسات العليا
وكان سبب حضور زوجها معها هو مساعدتها في إنهاء إجراءاتها الحكومية بسبب طبيعة
عمله كضابط وأثناء صعودهما السلم تقابلا مع الدكتور يحي موسي وتعرفا وزوجها علي
بعضهما البعض وكانت تلك اول مرة يروا بعضهما فيها ويومها لم تستطع تحويل الدراسات
العليا من جامعة قناة السويس الي جامعة الازهر لكن مع مرور الوقت تواصلت مع هند
الشافعي زوجة يحي موسي في الاعياد والمناسبات وذلك من خلال الفيس بوك او برنامج
اللاين للمحادثة ..وأوضحت ان د يحي موسي كان دوما يقوم بتغيير اسمه علي برنامج
اللاين وانها كانت تحتاجه في مساعدتها وامدادها باسماء المراجع الطبية بخصوص
الماجستير كما انها كانت بحاجه اليه لمعارفه من الاطباء في المستشفيات الجامعية
التابعة للازهر مثل مستشفي الحسين او مستشفي سيد جلال وعلشان اتواصل معاه بدون
تحفظ من جوزى ياسر حبيت إني اعرفه علي ياسر والعلاقة تبقي مباشرة ما بينهما ودي
حاجه انا بعملها مع كل الرجالة اللى بتواصل معاهم في حدود زمالة العمل لمجرد ان
ياسر يبقي مطمن عليا فكنت بنتهز ان الدكتور يحي يبعت السلام ليحي معايا فاقوم مديه
لياسر التليفون ومرة مع مرة بدء الدكتور يحي يتصل بيا مخصوص علي اللاين بتاعي
علشان يكلم ياسر جوزى خاصة ان ياسر معندوش لاين علي تليفونه ومكانش يعرف يتعامل
معاه وبدء الدكتور يحي يطلب من ياسر جوزى طلبات وخدمات وعلي ما أتذكر انه طلب منه
انه يروح مشوار الشرقية الله اعلم اذا كان هيوصل ناس او هيجيب ناس او هينقل حاجه
بس ياسر مداش ليحي فرصة انه يسترسل في الموضوع ده واعتذر من أوله من قبل ما يعرف
تفاصيل المشوار سواء زمانه او مكانه تحديدا في الشرقية او حتي معلومات عنه والكلام
ده كنت عرفت وقتها ان دكتور يحيي ومراته هند شافعي وأولادهم موجودين في تركيا بس
معرفش فين تحديدا وانا بطبعي كنت بحب اعمال الخير فكنت بتكلم مع هند في مرة وقالت
لي ان فيه واحد شاب بيجهز نفسه عشان يتجوز وكان محتاج مساعدة وقالت لي انها هتبعت
لي مبلغ وطلبت مني حسابي في البنك الأهلي القطري لان ده حسابي البنكي الوحيد اللى
ممكن اجراء عليه تعاملات لان انا عندي حساب تاني خاص بمرتبي في البنك الأهلي
المصري ولما ياسر عرف الموضوع ده اتضايق جدا وزعقلي ان انا قلت لهم رقم حسابي
وقالي ان الموضوع ده ما يتكررش والموضوع ده ملكيش علاقة به تمام وان انا هسحب
الفلوس فقط وهو اللى هيتصرف وفعلا بعدها بحوالي اسبوع واول شهر فبراير عام 2016
تقريبا الدكتور يحي موسي بعت لي علي اللاين وقالي انه تم تحويل الفلوس من غير ما
يقولي قيمتها أد أيه بس وقتها انا كنت مشغولة وكنت في مؤتمر بالغردقة واول ما رجعت
القاهرة سحبتهم وعلي ما اتذكر انا سحبت الفلوس يوم 21 او 22 فبراير 2016 ولقيت
ساعتها في الحساب 19 الف و 600 جنيها وكسر وانا كنت عارفه ان حسابي فيه 4 الاف و
600 جنيه وبمعني كده ان الدكتور يحي حول علي حسابي 15 الف جنيه ساعتها تواصلت مع
يحي علي اللاين وسألته اذا كان المبلغ فعلا 15 الف ولا لا فقالي مضبوط فطلبت منه
ان اللى حصل ما يتكررش تاني فرد عليا وقاللي لا تاني ولا تالت وبعدها لما ياسر رجع
من شغله اديته الفلوس ومعرفش ياسر اداهم لمين وامتي وفين ؟ وانا كل اللى اعرفه عن يحي
موسي انه من الاخوان المسلمين وفي فترة حكم مرسي كان متحدث باسم وزارة الصحة وهو
معروف انه شاطر في تخصصه واعرف انه متزوج من هند شافعي وهي دكتورة صيدلانية وهما
الاتنين من الشرقية بس قاعدين في القاهرة في مدينة نصر واعرف كمان ان يحي اصيب
خلال مشاركته اما في احداث المنصة او احداث الحرس الجمهوري بس معرفش طبيعة اصابته
ايه بالضبط وامبارح الموافق 6 مارس 2016 عرفت ان ياسر زوجي اختفي وافتكرت ان فيه
ناس خطفته فنزلت اعمل بلاغ وتلغراف للنائب العام ولوزارة الداخلية ورحت عند واحدة
صاحبتي اسمها تهاني في المقطم وحكيت لها علي اللى حصل ونصحتني اني لازم امسح الفيس
بوك والواتس واللاين وباقية البرامج من علي تليفوني لانها كانت قلقانه ومش عارفه
مين اخذ ياسر وكانت عارفه مواقفي انا وياسر نوعا ما معارضين بس حالتي النفسية
والذهنية وقتها واني كنت فاقدة التركيز وقتها ومش فاكرة للاسف اذا كانت هي اللي
مسحت البرامج ديه ولا انا من علي تليفوني السامسونج وبعدها صليت المغرب عندها
ونزلت علشان اعمل البلاغ بس اول ما نزلت اتقبض عليا وبعدها بكام ساعة راحوا بيا
علي شقتي في الهرم وطلعوا وفتشوها وانا كنت مستنياهم في العربية لحد لما جيت
النهارده علي النيابة .
توجهت
الي اعتصام رابعة مرتين ..واعترضت علي طريقة فضه
واضافت
المتهمة انه سبق لها وان تعاملت مع هند الشافعي تعاملات مالية وده كان بمناسبة ان
هند سألتني اذا كنت اقدر اجمع تبرعات علشان نساعد اسرتين ملهمش عائل لان عائلهم
معتقل والكلام ده كان علي شهر رمضان اللي فات وفعلا بعلاقاتي قدرت اجمع تبرعات
حوالي من ثلاث الي خمسة الآف جنيه واديتهم لياسر جوزي وهو اللى نسق مع يحي موسي
يدي الفلوس لمين وكافة التفاصيل دية وكمان من حوالي سنة تقريبا او اقل هند طلبت
مني ان لو فيه اى حد من معارفي مسافر تركيا ابعت لها معاه كتب دراسة لسنة اولي
ابتدائي وطرح للرأس واتفقت معاها ان اخوها اللى اسمه بكر او ابو بكر تقريبا
هيقابلني ويديني الحاجات ديه وقابلته في مدينة نصر عند جامعة الازهر وقولت له شكل
عربيتي ولونها ولقيته شاب صغير في الثانوية تقريبا واعطاني الكتب والطرح واديتهم
لياسر جوزي في مكتبه وبعدها جه واحد اسمه الاستاذ حسيني اخذ الحاجات دية عشان
يوديها تركيا وعلشان يقدر يتواصل مع يحي وديت له الحاجة هناك أديت له اكونت يحي
علي اللاين وبعدها بحوالي اسبوعين عرفت انه سلم الحاجات ليحي والاستاذ حسيني كان
بيروح تركيا كتير لانه تاجر وشغال في الاستيراد والتصدير ومتعود يروح هناك علي طول
واخر حاجه افتكرتها عايزة اضيفها انه في شهر رمضان اللى فات في اخر شهر يونيو
تقريبا ياسر قاللي انه رايح مشوار خاص بيحي موسي من غير ما يقولي تفاصيله ويومها
اخذ عربيتي الرينو اللوجن الرصاصي علشان يروح بيها المشوار ده ونزل بدري عن ميعاده
وكان المفروض انه بعد ما يخلص المشوار بتاع يحي هيعود علي شقة جديدة مقر الشركة
وبرضه انا افتكر يومها ان رقبته كانت وجعاه وكان عنده فيها تقلصات فاديت له مخده
رقبة عندنا في البيت لونها رصاصي وهو ده كل اللى انا افتكرته وحبيت أضيفه .
أضافت
المتهمة قائلة " زوجي اخذ سيارتي الرينو اللوجن الرصاصي عشان يوصل الناس اللى
من طرف يحي موسي في شهر رمضان والمشوار ده كان من مدينة نصر ويومها زوجي نزل بدري
وقبل ما ينزل كتب ورقة ببياناته وطلب مني لو حصله حاجه ابلغ شغله ..حاولت أسأله
هيعمل ايه مع الناس اللى من طرف يحي موسي وجه في دماغي انه ممكن الناس اللى ياسر هيقابلها
يكونوا هربانيين من قضية او عليهم حكم في تظاهر او في اي حاجه بسيطة وحاولت اسأله
هو رايح فين وهيعمل ايه بالضبط بس هو مقليش وطبطب عليا ونزل بمجرد ما نزل من البيت
كلمت يحي موسي علي اللاين وقلت له لو سمحت مدخلش ياسر في اي حاجه تاني ومتبعتوش
تاني في اى مشوار بعد اذنك ..فهو رد عليا واعتذر لي وقالي انه مش هيبعت ياسر
مشاوير تانيه وانا كل اللى كان .
جمعت
التبرعات وتلقيت التحويلات من الخارج
قالت
انها شعرت ان الموضوع بسيط لان من الاساس يحي موسي كان طالب مني انا اروح المشوار
ده لانه قبلها بكذا يوم علي ما اتذكر طلب مني وقالي انه هيحتاجني في مشوار وانا قلت
له اني معنديش مانع بس لما جيت استأذن ياسر رفض وقالي انت مالك ومال الموضوع ده
وده من غيرته ورغبته انه يبعدني عن اى مواضيع فيها رجاله بس لما رجع من المشوار ده
حسيته راجع عادي ومش باين عليه اي حاجه مختلفة واول لما شوفته حضنته وسألته هو كان
فين فضل يطمني من غير ما يقولي هو كان فين وفضل يغير الموضوع وبدء يكملني انه
بيبحث عن شقة تبقي مقر لشركته .
اكدت
المتهمة ان زوجها كان يسير بسيارته بناء علي تكليفات يحي موسي لرؤية الطريق ومعرفة
ما اذا كانت مؤمنة وليس بها أكمنة وذلك لكي يتواصل مع بعض المطلوبين من شباب
الاخوان في قضايا مختلفة حتي يصلوا الي الاماكن التي يريدوها دون القبض عليهم .
ليست هناك تعليقات:
إرسال تعليق